HS Orka hlaut í gær vottun Creditinfo sem framúrskarandi fyrirtæki 2023 en vottunin er veitt fyrirtækjum sem standa sig vel í rekstri og stuðla að bættu viðskiptaumhverfi. Þetta er í fjórtánda sinn sem Creditinfo veitir fyrirtækjum í íslensku atvinnulífi viðurkenningu fyrir góðan og traustan rekstur.
Björk Þórarinsdóttir, fjármálastjóri HS Orku, veitti viðurkenningunni viðtöku ásamt Jóni Ásgeirssyni, framkvæmdastjóra framfara og Auðlindagarðsins, við hátíðlega athöfn í Hörpunni. Björk er að vonum ánægð með viðurkenninguna sem fyrirtækið hlýtur nú í fyrsta sinn: „Það hefur mikla þýðingu að fá það staðfest af óháðum þriðja aðila að rekstur HS Orku sé metinn framúrskarandi og að félagið sé fjárhagslega sterkt. Vottunin er ekki einungis mikilvæg fyrir okkur sem störfum hjá HS Orku, okkar gamalgróna og mikilvæga innviðafyrirtæki, heldur er slík viðurkenning mikilvæg fyrir samfélagið í heild sem einnig nýtur góðs af fyrirtækjum í héraði sem byggja á traustum grunni.”
Frekari fróðleik um framúrskarandi fyrirtæki má finna hér.
