Í sumarlok tekur við 50% afsláttur af rafmagni á þessum sama tíma sólarhringsins. Markmiðið með tilboðsleiðinni er að hvetja til betri nýtingar raforkuinnviða og jafna rafmagnsnotkun betur yfir sólarhringinn.

Snjallmælar nauðsynlegir

Til að nýta sér þessa þjónustu þurfa viðskiptavinir okkar að vera með snjallmæli. Snjallmælavæðing er nú þegar langt komin á þjónustusvæði HS Veitna en það nærnær yfir Suðurnesin, Hafnarfjörð, Árborg, Vestmannaeyjar og hluta Garðabæjar. Þá er einnig mikil framvinda í snjallmælavæðingu hjá Veitum ohf., sem þjóna stórum hluta höfuðborgarsvæðisins og Akranesi.

Komið til móts við breyttar þarfir

Með þessari nýju þjónustuleið vill HS Orka koma til móts við breyttar þarfir heimila, sérstaklega í ljósi aukinnar rafmagnsnotkunar vegna fjölgunar rafbíla. Með einföldum hætti er hægt að stilla hleðslu rafbíla á næturtíma og þannig njóta hagstæðustu kjara sem í boði eru.