Fjölbreytt verkefni styrkt af Samfélagssjóði HS Orku á árinu

Kriki við Elliðaárvatn, útivistarsvæði Sjálfsbjargar, er eitt margra verkefna sem hlotið hafa styrk úr Samfélagssjóði HS Orku árinu. Mynd fengin að láni af vef Sjálfbjargar á höfuðborgarsvæðinu.

Alls hlutu 28 samfélagsverkefni víða um land styrki úr Samfélagssjóði HS Orku á þessu ári en síðari úthlutun ársins fór fram í nóvember. Heildarupphæð styrkja nam tíu milljónum króna og hefur hún aldrei verið hærri.

Samfélagsjóðurinn var settur á laggirnar í upphafi árs 2023 og er honum ætlað að styðja við verkefni einstaklinga eða hópa sem hafa jákvæð áhrif á íslenskt samfélag, lífsgæði og mannlíf. Tekið er á móti umsóknum um styrki frá öllum landshlutum en sérstök áhersla er lögð á að styðja við verkefni í nágrannabyggðum starfsstöðva fyrirtækisins. Við val á verkefnum er meðal annars litið til þeirra heimsmarkmiða um sjálfbæra þróun sem HS Orka hefur innleitt.

Frú Ragnheiður, leiklist, ljósmyndir og söngvaskáld

Meðal verkefna sem hljóta styrki að þessu sinni er námsverkefnið Kvikuvikan á vegum Reykjanes UNESCO Geopark, Frú Ragnheiður á vegum Rauða Krossins á Suðurnesjum, menningarverkefnið „Söngvaskáld á Suðurnesjum fyrir eldri borgara“, endurnýjun pallabúnaðar hjá Leikfélagi Keflavíkur, Útiljósmyndasýningin „Reykjanes vaknar“ í Grindavík auk verkefnisins „Uppskera“ á vegum GETA hjálparsamtaka í Hafnarfirði.

Sérstakir styrkir til björgunarsveita

Í vorúthlutun sjóðsins fengu allar fimm björgunarsveitirnar á Suðurnesjum styrki til stuðnings því frábæra starfi sem sveitirnar hafa unnið á krefjandi tímum jarðhræringa og eldsumbrota. Í síðari úthlutun sjóðsins á árinu var ákveðið að halda áfram með þessar sérstöku styrkveitingar til björgunarsveita. Fimm styrkir til viðbótar fara nú til verkefna björgunarsveita í öðrum landshlutum þar sem HS Orka er með starfsemi eða kemur að þróun verkefna. Úthlutað er úr Samfélagssjóðnum tvisvar sinnum á ári og verður næsta úthlutun í maí 2025. Hægt er að nálgast allar upplýsingar um sjóðinn á vefsíðu HS Orku.

Verkefni sem hlutu styrk úr Samfélagssjóði HS Orku í nóvember:

Straumvatnsbjörgunarhópur – Hjálparsveitin Tintron í Grímsnes- og Grafningshreppi
Vettvangshjálparhópur – Björgunarsveitin Eyvindur á Flúðum
Búnaður fyrir björgunarskip – Björgunarbátasjóður Suðurnesja
Búnaðaruppbygging – Björgunarsveitin Ísólfur á Seyðisfirði
Búnaðaruppbygging – Björgunarsveitin Strandasól í Árneshreppi
Njarðvík í nýju umhverfi – Körfuknattleiksdeild UMFN
Sjálfbærnisetrið í Krýsuvík – Veraldarvinir
Frú Ragnheiður á Suðurnesjum – Rauði krossinn
Reykjanes vaknar – Slysavarnarfélagið Landsbjörg
Söngleikjatónleikar fyrir pallabúnað – Leikfélag Keflavíkur
Virkni og inngilding flóttafólks og hælisleitenda – Knattspyrnudeild Keflavíkur
Uppskera/Growing Roots – GETA hjálparsamtök
Kynfræðsla um allt land – Ástráður, kynfræðslufélag læknanema
Kvikuvikan – Reykjanes UNESCO Global Geopark
Söngvaskáld á Suðurnesjum fyrir eldri borgara – Dagný Maggýardóttir