Arna Grímsdóttir

Arna Grímsdóttir er með cand.jur gráðu frá Háskóla Íslands og er löggiltur héraðsdómslögmaður. Hún gekk til liðs við HS Orku sem framkvæmdastjóri lögfræðisviðs í janúar 2021. Fram að því gegndi hún í áratug stöðu framkvæmdastjóra lögfræðisviðs Reita fasteignafélags hf., sem er stærsta fasteignafélag á Íslandi og skráð í Nasdaq OMX Kauphöll Íslands. Hún hefur setið í stjórnum ýmissa fyrirtækja og samtaka, meðal annars sem forseti UN Women á Íslandi (2017-2023). Hún var fyrsta konan sem kosin var varaformaður Knattspyrnufélagsins Vals (2013-2015) auk þess sem hún kom að stofnun Félags fyrirtækjalögfræðinga og sat í stjórn félagsins (2016-2020). Einnig var hún stjórnarformaður Akta sjóða hf. (2015-2020).