Algengar spurningar

Hleðsluáskrift
Rafmagn

HS Orka býður uppá leigu á hleðslustöð frá 3.490 kr. á mánuði, hvort sem það er fyrir sérbýli, fjölbýli eða fyrirtæki.
Þú skráir þig í gegnum skráningarsíðu HS Orku og í kjölfarið höfum við samband við þig og veitum þér frekari upplýsingar.
Jarðvegsvinna og grunnnet þarf að vera tilbúið áður en Hleðsluáskrift er hafin og mismunandi aðstæður gera það að verkum að erfitt er að áætla verð.
Þjónustugjald er mánaðarlegt gjald fyrir hugbúnaðar- og sjálfstýringarþjónustu á hvern hleðsluútgang á hleðslustöð. Fyrirtæki, stofnanir og fjölbýli (húsfélög) greiða þjónustugjald, en þau innifela m.a. aðgang að netskjáborði til yfirlits og greiningar, gagnasöfnun og sjálfvirkni á álagsdreifingu og greiðslumiðlun.
Uppsetning á grunnneti, en það þarf að vera tilbúið áður en Hleðsluáskrift hefst. Hægt er að fá þjónustuaðila á vegum HS Orku á staðinn og fá tilboð vegna uppsetningar. Verð á uppsetningu er mismunandi eftir aðstæðum og greitt er sérstaklega til þjónustuaðila.
Viðskiptavinir þurfa aldrei að hafa áhyggjur af hleðslu rafbílsins. Í stað þess að fjárfesta í kostnaðarsamri hleðslustöð þá borga viðskiptavinir aðeins lágt mánaðargjald og fær aðgang að nútímalegri hleðslustöð heim til sín. Með áskriftinni fylgir alltaf hleðslustöð sem er búin nýjustu tækni og uppfyllir ströngustu öryggiskröfur.

HS Orka selur raforku til heimila og fyrirtækja um land allt. Ólíkt raforkudreifingu þá er raforkusala óháð staðsetningu og getur því hver sem er nýtt sér þjónustu HS Orku.
Það er auðvelt og fljótlegt ferli sem kostar ekki neitt, þú skráir þig einfaldlega hér og við sjáum um rest.
Reikningar hjá HS Orku eru birtir á Mínar síður á www.hsorka.is
Neytendur borga tvo reikninga fyrir rafmagn, einn til raforkusala og einn til dreifiveitu sem sér um að dreifa og flytja rafmagn.
Dreifiveita sér um að skrá notendaskipti og þarf notandi að tilkynna eða staðfesta flutning í húsnæði til viðeigandi dreifiveitu.
HS Orka er raforkusali og er á samkeppnismarkaði, en neytendur hafa þann möguleika að taka ákvörðun um hvaða raforkusala þeir ætla að velja. Það skiptir ekki máli hvar þú býrð á landinu þegar verið er að taka ákvörðun um hvaða raforkusali verður fyrir valinu. Dreifiveita sér um að dreifa rafmagni til allra notenda á rafmagni á landinu. Notendur hafa ekki val um hvaða dreifiveita verður fyrir valinu, þar sem mælarnir eru staðbundnir.
Söluaðilaskipti taka líðandi mánuð plús einn, ef viðskiptavinur skráir sig í viðskipti um miðjan maí þá er hann kominn í viðskipti til HS Orku 1. júlí. Ef viðskiptavinur er að kaupa nýja íbúð þá hefur viðkomandi einn mánuð til að velja sér söluaðila og hefjast þá viðskiptin frá þeim tíma sem lesið er af mælinum.
Já, þegar verið er að kaupa fasteign þarf eigandi að velja sér raforkusala fyrir nýju eignina. Ef ekki er valinn raforkusali hefur dreifiveita heimild til að loka fyrir rafmagnið.